Hárvörur.is – Óskalisti!

Ég hef gleðifréttir að færa!

Hárvörur.is hafa græjað afsláttarkóða fyrir fylgjendur mína. Kóðinn veitir 25% afslátt af öllum vörum á Hárvörur.is og gildir út mánudaginn 12.mars.

Kóðinn er einfaldlega: birna25

Mér datt í hug að sýna ykkur þær vörur sem ÉG er spenntust fyrir, en vefverslunin er með nokkur Cruelty Free merki á sínum snærum. Ég er sérstaklega áhugasöm um REF Stockholm, en það merki er 100% vegan og hefur heldur betur verið að slá í gegn undanfarið.

harvorur

Varan sem ég er LANGspenntust fyrir er þessi litanæring frá REF Stockholm. Hún kæmi sér vel í sturtunni til að halda bleika litnum við. HÉR!

Hárolíur eru eitthvað sem ég er cherlega áhugasöm um, en ég þarf á þeim að halda þegar hárið mitt er bugað af völdum aflitunar. Margar vörurnar þeirra koma í mini umbúðum, svo maður getur prófað þær áður en maður splæsir í stærri. Wonderoil er blanda af nokkrum djúsí olíum og fæst HÉR!

Hairburst eru hárvítamín sem flestir kannast við, en ég get ekki notað klassísku týpuna á meðan ég er ólétt. Þessi týpa er sérstaklega gerð með ófrískar konur og nýbakaðar mæður í huga. Hárið á mér þynntist rosalega mikið eftir síðustu fæðingu, svo ég myndi ekki slá hendinni á móti þessum kúr! ATH! Hairburst prófa ekki sjálfir á dýrum og ég finn hvergi heimildir um að þau selji til Kína. Ég þori þó ekki persónulega að ábyrgjast að þau séu CF. New Mum Hairburst –  HÉR!

Paul Mitchell eru Cruelty Free og bjóða upp á eitthvað fyrir alla. Þetta flókasprey væri snilld fyrir stelpuna mína, en það tekur svona 10 mín að greiða í gegnum hárið á henni á morgnana (með tilheyrandi ó-um og æ-um), því það er mjög fíngert og flækist auðveldlega. Flókaspreyið fáið þið HÉR!

Ég er búin að leita að hinu rétta Cruelty Free Volume/texture spreyi í meira en ár og finn ekkert sem hentar mér nógu vel. Ég er staðráðin í að prófa þetta frá REF næst. Fæst HÉR!

Þurrsjampó er nauðsynjavara fyrir mig, því ég reyni að þvo hárið sjaldnar þegar ég er með flippaða liti í því. Inn á milli þvotta baða ég mig nánast upp úr því. REF þurrsjampó fáið þið HÉR!

ATH! Ég er ekki að fara að græða krónu á ykkur og fæ ekki borgað fyrir þessa færslu. Hárvörur.is voru bara svo toppnæs að græja kóða!

Ást og kertaljós

Birna