Fyrir stuttu síðan fékk ég gefins pakka frá MAKE UP STORE í Smáralind sem innihélt 3 vörur úr ‘Steamy’ línunni. Ég tók myndir af vörunum, en umbúðirnar eru bara of fallegar til að sleppa því! Þar næst skellti ég þeim í andlitið á mér og tók myndir af því líka. Ég er nefnielga að þykjast vera duglegur bloggari!
Varaliturinn heitir Pink Bliss Eden og er í fallega sterkbleikum lit.
Microshadow ‘tríóið’ heitir Eden og inniheldur 1 mattann og 2 satínkennda augnskugga.
Síðast en ekki síst er það mjög fallegur bronzer, en hann heitir Amazone.
Ég ákvað að hafa lúkkið svolítið ferskt, sleppa augnhárum og svörtum, þykkum eyeliner í þetta skiptið. Mér fannst það passa betur við nafnið á línunni.
Í kinnarnar notaði ég að sjálfsögðu bronzerinn, og smá á nefið líka til að búa til ‘sunkissed’ lúkk.
Ég byrjaði á að grunna augnlokið með sanseruðum, gylltum augnskuggaprimer og skyggja létt með ljósbrúnum upp á augnbein. Næst setti ég bronzerinn ‘Amazone’ yfir sem augnskugga.
Í neðri vatnslínu og undir augnlokið notaði ég hvítan blýant sem grunn og pakkaði svo bláa litnum úr augnskuggapallettunni ofan á.
Í innri augnkrókinn notaði ég hina tvo augnskuggana.
Ég ákvað að nota varalitinn mjög sparlega, en ég vildi hafa fókusinn á augunum. Ég dúmpaði honum á miðjar varirnar og notaði svo glæran gloss yfir. Mér finnst þetta lúkk alltaf svo sumarlegt og það passar við alla augnförðun.
Á augnlokið setti ég svo örmjóa línu af glitrandi, bláum eyeliner og maskara að lokum.
Þetta tók mig í mesta lagi 7 mínútur að gera!
Ekki vera hrædd við að nota liti! Maður endar ekkert alltaf eins og trúður.
xx
birnamagg.com 
Leave a Reply